PLANEADOR é o primeiro single de “2084”, o primeiro LP de Jëan Fixx, composto como unha alegación épica para a cohesión social en clave de música para a pista de baile. O vídeoclip promocional que o acompaña, ideado e dirixido por el mesmo, móstranos unha sociedade completamente militarizada nun tempo indeterminado. O discorrer das imaxes descóbrenos un momento de crise a modo de operación de rescate, onde restaurar os vínculos arrasados por unha catástrofe global que deixou ás persoas nunha situación de vulnerabilidade absoluta como entes atomizados desconectados da súa esencia relacional. O motor implacable de PLANEADOR mergúllanos nunha pasaxe musical de inspiración electro onde un sintetizador retrofuturista déixase caer esperando unha aterraxe suave, glorioso e sedante para a reunificación social.
Este single está publicado no selo discográfico de RUÍDO DE FONDO, axencia de Booking ESQUÍO, vídeoclip realizado coa colaboración de SINCRO AUDIOVISUAL na produción técnica.
Utilizamos cookies para asegurar que damos la mejor experiencia al usuario en nuestra web. Si sigues utilizando este sitio asumiremos que estás de acuerdo.Vale