Ruido de Fondo é unha axencia de promoción cultural onde impera a inquietude por abrir vetas entre consensos e camiños pechados. A nosa motivación central é mostrar valores e descubrir artistas emprendedores que reflictan outra realidade. E difundila a través dun diario musical poboado de arestas cravadas na curiosidade polo inaudito. nichos alleos ao hype e a procura de estímulos que contradigan as realidades consensuadas desde a industria musical.
RDF exponse como punto de encontro ineludible para toda mente necesitada de estímulos que permitan mergullarnos no futuro desde o presente e os pasados perdidos. E máis agora que 2019, o ano Blade Runner, xa quedou atrás.
Xa sexa desde a produción de eventos, entrevistas, artigos, rescates do pasado e a promoción de artistas RDF, móvenos a necesidade por reescribir unha historia alternativa á que nos ensinaron e cuestionar o equilibrio da gran balanza musical, sempre desde un enfoque cinguido á espeleoloxía sónica.