Crónicas del Ciclo Vangal o la expresión cultural como bien necesario.
EXPO TERESA FERREIRO @ MUSEO DO POBO GALEGO
“Á parte dunha exposición das súas ilustracións alucinóxenas realizadas nos últimos anos, a exposición presenta reinterpretacións de debuxos de Castelao, as coleccións Atila en Galiza e Galiza Mártir, ambas denunciando os actos do fascismo.
A instalación está realizada con materiais herdados pola artista a través da súa familia. É unha oda á tradición e a memoria, o feminismo e o poder da comunicación.
A autora comezou a interesarse pola historia das comadroas e outras mulleres con coñecementos relacionados co mundo da medicina. Estas mulleres eran tradicionalmente moi respectadas na comunidade, con todo, despois de que se estableceu a universidade, só os homes tiñan a capacidade de exercer como médicos. Ademais, a Igrexa católica comezou a perseguir algunhas destas prácticas como “actividades pagás”.
Ademais, censuráronse receitas que non beneficiaban ao patriarcado. Estas tiñan que ver coa autonomía da muller sobre o seu propio corpo: receitas que axudaban a regular a menstruación, provocar o parto ou o aborto.
Teresa Ferreiro, vincula esta historia á lenda das bruxas. No audio, inclúe dous textos que fan referencia á transmisión oral, a memoria que queda a pesar de múltiples censuras ou impedimentos, á liñaxe entre nais e fillas e á resistencia.
Na parede, pódese ver e ler un cartel dun extracto adaptado do poema “ Ode to the Women of Long Island” de Olivia Gatwood. Xunto a iso, hai unha tea bordada que pertenceu á avoa da autora, cunha cita de Safo: “Alguén se acordará de nós, aínda que sexa noutra época”.
Safo é considerada unha das mulleres máis importantes da Grecia clásica, ao mesmo nivel de personaxes que Aristóteles, Platón ou Pericles pero comezou a desaparecer cando, en 1073, o Papa Gregorio VII ordenou queimar todos os manuscritos cos poemas sáficos, porque falaba polo seu amor polos homes e as mulleres. Unha vez máis, a doutrina da Iglesia buscou disimular a obra desta importante figura, pero a pesar dos esforzos a súa memoria aínda permanece ”.
SET TERESA FERREIRO @ SAN DOMINGOS DE BONAVAL.
Habería que pegarse un repaso ao longo da historia para comprobar cantos sets de música dance foron realizados en igrexas ou lugares destas mesmas características. O que está claro é que, salvo no WOS Festival, en Galicia non tivemos moitas oportunidades de comprobar as posibilidades desta experiencia, e menos na igrexa de San Domingos de Bonaval, onde xamais se celebrou un evento destas características.
Co fin de quitarlle as teas de araña á rutina, para a súa intervención musical no ciclo Vangal Teresa Ferreiro marcouse un set monumental de fluidez hidropónica, capaz de restablecer neuronas, ás que dotou de pernas en pos do baile mental. Alquimia de engrenaxes tecno e house, onde os tentáculos do seu esqueleto rítmico articulaban vasos comunicantes con cantos e músicas tradicionais galegas.
