Con motivo dunha edición tan especial de Fanzine Fest, a Domus será o escenario no que o Ruído de Fondo será o encargado de acoller a actuación de CRNDS e Koroiev, dúas propostas que captan o espírito do colectivo, no seu afán pola diversificación dos límites expresivos da hibridación en terreo de vangarda electrónica.
KOROIEV
Detrás da máscara de Koroiev, atópase o inquieto artista galego Roberto Casteleiro, tamén o cerebro detrás de proxectos como Federico Festa, Korokati e Fagot & amp; Popota. Para a ocasión, será quen nos transporte nunha viaxe espacial cara á kosmische bávara, coas pulsións xenéticas do carácter musical galaico, debedoras dunha personalidade decididamente retrofuturista, na súa maneira de visualizar os relevos do seu futurismo arcaico, máis propio da ciencia ficción psicolóxica dos anos setenta que dun simple acto sonoro.
CRNDS + Fransy González.
Do cubismo sinte de Oneohtrix Point Never á fauna silvestre electrónica ideada por Arca, así é como o coruñés CRNDS sérvese para apontoar os dous extremos dun discurso sónico rabioso de inspiración co que abre as escotillas cara á mutación da tradición folk galega. Da devandita alteración xenética, emerxe unha criatura experimental catártica, co plus que conleva a participación doutro cuestionador dos consensos tradicionais como Fransy González.
