SKKTT É o primeiro EP de JUAIT. No mesmo, tan versátil produtor explora as sendas da pulsión electrónica a través dun arco referencial tallado a base da colisión entre o mood de club e a inmersión en sonoridades máis ásperas e persoais.
“Neste traballo quixen plasmar todos os sentimentos e emocións que tiven no club, dos máis eufóricos ata o baile máis intímo”, comenta JUAIT.
Os tres tracks repasan influencias moi diferentes. Todo un mural en crecemento, de falanxes e encadeados rítmicos, que inclúen o tarraxo, os ritmos UK, as percusións e os ambientes máis dark. O obxectivo: mergullar ao oínte nun océano embebido nun caleidoscópico crisol de experiencias e estados emocionais xurdidos da ortodoxia dance.
Baixo a súa propia bipolaridade, establecida entre a euforia raver e a intimidade das atmosferas circundantes, SKKTT plasma a súa pegada nunha terna de variacións dunha personalidade cibernética única e resplandecente.
