Unha demo con 5 temas de punk dixital e inmediatez EBM.
FOTOCOPIA é o mesmo, diferente. Atopar sentido na repetición e coller aire. Unha carta de rescate apurada, un manifesto nervioso, un slogan físico: que o ruído é a mensaxe.
A través da plataforma Interruptor, FOTOCOPIA presenta unha demo autoproducida de 5 cortes. Segundo o seu propio autor “Trátase de EBM mal entendido por un pailán de Ourense. Nas súas letras fala de bloqueadores de anuncios e casas a medio facer. Punk dixital que tenta ser honesto. Absurdo industrial de polígono rural.”
FOTOCOPIA vén doutros proxectos como Monstro, Uzumaki ou F.I.G.A. e estivo vinculado no pasado ao xa extinto colectivo PORNO.
Podes escoitar a maqueta de FOTOCOPIA en:
-
Bandcamp
-
Soundcloud
-
(a partir do 15 de xaneiro dispoñible en plataformas de streaming)
