O sábado 17 de abril ás 12:00, na Fundación Luís Seoane da Coruña volvemos celebrar unha presentación, novamente nun territorio no que a historia da música electrónica deixouse notar con forza desde o seu desembarco no mesmo.
Por iso marchamos cara á Coruña, grazas á colaboración e o bo facer da xente de Fanzine.
E neste novo encontro acompañarannos 4 persoas que representan o pasado, o presente e o futuro da música de baile no país, 4 persoas ás que hai que agradecer excesivamente a súa grandísima achega á escena desde todas as frontes que o fixeron – e no noso caso tamén a súa colaboración con esta presentación–:
Roi Grobas. DJ, produtor, profesor e codirector do proxecto Fanzine –no que destacan o consolidado Fanzine Fest, o selo Fanzine Records e a súa escola de formación–.
Marcos Gendre. Xornalista de medios como O Salto, TiuMag ou Rockdelux e condutor, xunto a Teresa Ferreiro e Adrián Herrero, do magazine e o programa de radio Ruído de Fondo, un diario musical a contrafío.
Silvia Teijeiro. DJ, produtora e promotora (baixo o nome de Proxecto Inopia), fundadora do colectivo Twelve Inch e do selo Archaic Print Recs, é unha das grandes representantes da electrónica galega no presente.
Ino Plans. DJ, produtor, curador, locutor de radio e director musical e artístico de diferentes espazos, un dos artistas máis representativos da escena galega, cunha longa carreira ás costas.
Pedro José Mariblanca. Autor do libro
